Tonleikar 2 og spitalaferð
Já, það voru tónleikar í gær. Þeir sem mættu af mínu krúi voru: Gústi, Solveig og Sigrún. Mér þykir þetta ansi lélæegt ef ég á að segja eins og er. Reyndar ætlaði ég nú að senda öllum sms í fyrradag en aðstæður urðu þannig að það var ómögulegt.
Þið sem þekkið mig vitið að ég lenti einu sinni inni á spítala vegna gruns um bráðaofnæmi. Það var fyrir svona tveimur árum. Þetta reyndist ekkert alvarlegt og ég var send heim eftir rannsókn. Þannig er að ég var búin að vera slæm í maganum undanfarna daga og tók steininn úr þegar ég fékk þetta líka rosalega bakflæði á miðvikudagsmorgninum. Ég hélt ég myndi deyja! Eftir að e´g hafði jafnað mig fór ég til Ömmu og pabba í hádegismat þar sem ég var ekki að vinna. Til að gera langa sögu stutta fann ég til hægra megin í kviðnum og sagði ömmu og pabba frá því og hvernig mér hefði liðið undanfarna daga. Þau sendu mig á læknavaktina og læknirinn þar sendi mig á bráðamóttökuna á Landspítalanum Hringbraut. Eftir mikið pot og blóðtöku og allt tilheyrandi var ég send heim en fékk töflur við magasýrum. Svo komst ég að því að ég hafði gleymt símanum mínum í bílnum hjá pabba þannig að hann er suðrí Hafnarfirði. Svo var ég svona líka slæm í gær að ég svaf í um 18 tíma en þegar ég vaknaði var ég orðin betri þannig að ég gat spilað á tónleikunum. Þeir gengu svona líka glimrandi og við hlökkum til kvöldsins á Grandrokk. Það kostar 500 kall inn. Svo er Gaukurinn 1. sept og svo var ég að frétta af giggi daginn eftir, 2. sept, á ellefunni. Þannig að það er nóg að gera og þið þurfið ekki að örvænta þótt þið missið af tónleikum :)
Sjáumst í kveld :)
skrifað af Runa Vala
kl: 13:27
|
